Tekst 16B

• Latijn
• Middelbare school
• vwo
• Leerjaar 4

Tekst 16B. 

• Bespreken 16B, t/m 8
  
• Vertaal 16B

“Neque multo post ad eundem specum venit hic leo, debili uno et cruento pede,

gemitus edens et murmura, dolorem cruciatumque vulneris commiserantia”

Atque illic primo quidem conspectu advenientis leonis territum sibi et pavefactum animum dixit.

“Sed postquam introgressus,” inquit, “leo, ut re ipsa apparuit, in habitaculum illud suum, videt me procul delitescentem,

mitis et mansues accessit et sublatum pedem ostendere mihi et porrigere, quasi opis petendae gratia, visus est.

Ibi,” inquit, “ego stirpem ingentem, vestigio pedis eius haerentem, revelli conceptamque saniem vulnere intimo expressi

accuratiusque sine magna iam formidine siccavi penitus atque detersi cruorem.

Illa tunc mea opera et medela levatus, pede in manibus meis posito, recubuit et quievit,

atque ex eo die triennium totum ego et leo in eodem specu eodemque et victu viximus.”