Praatplaat groep 3/4 - FRYSK

• Wereldoriëntatie
• Basisschool
• Groep 3,4

Dit is Eise Eisinga. Hy libbe mear as 200 jier lyn. Hjir sit er yn syn wenkeamer. Mar it is ek syn sliepkeamer.
<div><ul><li>Kinsto syn bêd fine?
</li><li>Wat is der bysûnder oan dizze keamer?
</li></ul></div><div><br></div>

1

Dit is de bedstee. Hjir sliepten Eise en syn frou. En yn dat laad dêrûnder, dêr sliepten de bern. Wol mei it laad iepen, hear!

2

Der is wat hiel bysûnders oan it plafond fan Eise. Sjoch mar op de foto.
<div><ul><li>Wat soe dy grutte gouden bol yn ’e midden wêze kinne?
</li><li>Hoefolle gouden boltsjes sjochst op de foto? Wat soene dat wêze kinne?
</li></ul></div><div><br></div>

3

Sjochst hjir allegear wizers. Hoefolle wizers kinst op dizze plaat ûntdekke? By jim besite ûntdekke jim wêr’t de wizers foar binne?

4

It plafond en de wizers yn de wenkeamer fan Eise binne hiel bysûnder. Dy grutte gouden bollen, dat binne de sinne en de planeten. En op de wizers oan de muorre kinst lêze hoe let oft de sinne en de moanne opkomme en ûndergean. Ek kinst sjen hokker dei oft it is, hokker datum en hokker jier en noch folle mear. En wat it plafond it meast bysûnder makket is... dat de planeten en wizers bewege!

5

Besjoch <a href="https://www.youtube.com/watch?v=ofgIFOV1MtY">dit filmke</a> mar ris. Dêr sjochst (mei mear faasje) hoe’t it Planetarium beweecht.<br><div><br></div><div><br></div>

6

Yn de kast hingje hiel belangrike dingen. Dêr komme jim by jim besite wol achter. Want de wenkeamer fan Eise bestiet noch altyd en jim komme meikoarten om him te besjen.

7

Mar earst noch even in test. Hoe hite alle planeten?

8

Hiel goed! Op folchoarder sjochst: Merkurius, Fenus, Ierde, Mars, Jupiter, Saturnus, Uranus en Neptunus. Eise hat seis planeten makke yn syn Planetarium. Der misse dus twa. Ik bin benijd oft jim by jim besite ûntdekke kinne hokker planeten oft dat binne.
<div>
</div><div><br></div>

9

Oant gau yn it Planetarium!

10