Галогендердин мезгилдик системада алган орду жана жалпы мүнөздөмөсү

• 8-класс химия
• Secondary Education

Галогендердин мезгилдик системада алган орду жана жалпы мүнөздөмөсү

Фтор өтө активдүү  газ абалындагы зат. Күчтүү кычкылдандыргыч, заттар менен аракетенишкенде реакция  күйүү, жалын чыгаруу жана жарылуу менен жүрөт. Жаратылышта галогендүү суутек кислотасынын туздары түрүндө кездешет. CaF2  ж.б

Хлор газ абалындагы уулуу  саргыч жашыл түстөгү тумчуктургуч газ. Жаратылышта активдүү болгондуктан эркин абалында кездешпейт. Туздардын мисалы(NaCl) курамында кездешет. Таш түрүндө (кочкор туз) , о.э. деңиз, океандардагы туздар.

Бром кызыл күрөң түстөгү жагымсыз жыты бар суюктук.  Жаратылышта туздар түрүндө (NaBr, KBr, MgBr2 ) көл, деңиз, нефть жана суу өсүмдүктөрүнүн курамында кездешет

Йод кара күрөң түстөгү кристаллдык зат; металлдык жалтырактыкка ээ. Суюк жана газ абалындагы йоддун молекуласы эки атомдон турат. кескин жыттуу, ысытканда катуу абалдан газ абалга өтөт(кургак буулантып айдоо). Жаратылышта туздар түрүндө кездешет.

Астат

Жаратылышта табыла элек, ядролук реакциянын натыйжасында жасалма жол менен алынат. Касиеттери терең изилдене элек.

Коопсуздук эрежелери

Бардык галогендер кескин жыттуу, дем алуу органдарын дүүлүктүрөт. Физиологиялык таасири терс, ууландырып, өлүмгө дуушар кылат. Ошондуктан алар менен иштегенде коопсуздук эрежесин эстен чыгарбоо керек!

Грек тилинен которгондо "Галоген" деген сөздүн мааниси туз пайда кылуучу дегенди билдирет. Галогендер активдүү металлдар менен кошулуп туздарды пайда кылат

                        2Na +Cl 2 = 2NaCl 

                                             натрийдин хлориддери

Галогендер

Галогендердин тышкы катмарында канча электрон бар жана алардын жогорку жана төмөнкү валенттүүлүгү канча?

Кайсы учурда галогендердин терс электрдүүлүгү жана металл эместик касиети начарлайт?

1. Топто төмөн көздөй жылганда
2. Мезгилде солго жылганда
3. Топто жогору көздөй жылганда
4. Мезгилде оңго жылганда

Сабак силерге түшүнүктүү болдубу?

😒🙁😐🙂😃

Үйгө тапшырма 

Галогендердин окшоштуктарын жана айырмачылыктарын  Т схема түрүндө жазып келгиле