Gramatica: Plural

• Gramatica
• Vocational Education

Plural

Plural ta cantidad mas grandi cu un (1).

Ki ora ta uza e forma di plural.

Pa pluralisa un sustantivo nos ta uza e morfema 'NAN'  hunto cu e sustantivo ora cu ta SPECIFICA e sustantivo.

p.e. auto ta bira autoNAN

Nos ta specifica e sustantivo cu:

• articulo defini 'E': E autonan nobo, e bukinan   di musica   ta nobo.
• pronomber posesivo: mi, bo, su, nan, boso,   nos. Mi   cambernan ta grandi, su autonan
• pronomber demostrativo: e..ey, e..aki, e..aya.    E   gruponan ey, e gruponan aki.

Plural den un frase directo.

Den un frase directo na un cierto grupo specifico!

"Muchanan, bon tardi! Ban traha!"

No ta uza e forma di plural NAN:

Cu un numeral:

Dos pushi.

Tur anochi dos pushi ta drumi den nos cura.

No ta uza e forma di plural 'NAN'

Hunto cu un numeral indefini.

hopi, algun, varios, basta, bastante, poco, tiki, diferente etc.

Ayera tabatin hopi hende na e festival.

Algun studiante lo biaha pa Belgica otro aña.

Masha poco hende a paga nan number di auto.

No ta uza e forma di plural 'NAN'

Hunto cu un sustantivo colectivo!

dozijn, grupo, gros, batayon, trupa, coleccion, serie, surtido, mancha, cacho, par

Pa traha e bolo mester di un dozijn di webo.

Mi welo tabata cumpra un cacho di bacoba na Virgilio.

Na e festival tabatin un batayon di polis.

No ta uza e forma di plural 'NAN'

Ora cu ta haci referencia na un sustantivo generico.

Kooyman ta bende cement barata.

Tempo cu mi tabata mucha mi tabata gusta ijscream di   mispel.

 Awendia e mucha sa cu e tin derecho.

tarea

Contesta e siguiente preguntanan!

Tur atardi nos por mira un ..............di pisca na Malmok.

Mi tata tabatin un .....di disco Spaño bieu. Scoge e contesta corecto!

1. Trupa
2. Surtido
3. Dozijn
4. Coleccion

Tin mas di diesun mil auto coriendo cu numbernan bieu.

1. corecto
2. Incorecto

Fruteria Virgilio ta bende frutanan mas barata.

1. corecto
2. Incorecto

Corecto of Incorecto?

Mi a pone mi dies bukinan riba mesa.

1. Corecto
2. Incorecto